Pebrero 25, deklaradong holiday ng Pangulo kaya’t nagkayayaan kaming magakaibigan na magkaroon naman ng break sa trabaho. Naghanap ako ng mga resort sa malapit na pwede kaming magrelax…Siyempre ang pinakamalapit ay ang mga resort sa Laguna. Nakatawag ng pansin ko sa aking paghahanap sa internet ang Doña Jovita resort na may sarili nilang mini zoo at sobrang dami ng puno dito, kaya’t ito ang napili naming na pagswimmingan.
Nagkita-kita kami ng umagang iyon sa Jolibee Alabang kasama ang aking pinsan na matagal ng panahon nung huli kaming magkita kaya ipinakilala ko siya sa aking mga kaibigan na agad naman silang nagkabonding at naging click sa isat-isa. Mula Alabang sumakay kami ng bus na may signboard na “Sta. Cruz” at nagpababa kami sa konduktor sa bagong kalsada Calamba, Laguna. Madali lang makita ang resort dahil sa napakalaki nitong banga sa harapan. Pinili naming tumuloy sa kanilang Family room na mayroong 2 double bed at 2 extra bed. Kasyang kasya sa anim o higit pa. Maganda yung room at yung comfort room nito. Maluwag at meron ding kitchen counter, refrigerator at cabled television, maaari ka ding magpasok ng sarili mong pagkain.
Madaming swimming pool ang Doña Jovita kalimitan ay hotspring at mayroon ding Jacuzzi na pwedeng lubluban. Nakakrelax sa resort na ito dahil sa dami ng puno kaya’t paniguradong sariwang hangin ang iyong malalanghap lalo na pag ikaw ay nalublob na sa Jacuzzi na talagang makakatanggal ng iyong stress at lamig sa katawan. Kinabukasan sinubukan naming puntahan ang paanan ng Bundok Makiling na nasa likod lang ng resort. Napakaganda ng tanawin dito at napakasariwa ng hangin. Pinuntahan din naming ang kulungan ng donkey at ng ostrich sa resort na aakalain mong may sarili silang mini zoo sa loob. At bago kami umuwi siyempre hindi naming nakalimutang bumili ng Collete’s Buko pie sa tapat lamang ng resort.
Nakakarelax talaga ang outing naming ito dahil na rin sa magandang resort, nakakarelax na kwarto, hotspring swimming pool at magandang serbisyo ng Doña Jovita Resort.
www.jovitaresort.com
Contact# 0917) 584-8441
Tel Nos. (049) 545-3740 / 545-6657 / 545-7517 / (02) 800-3947 / 800-0771
No comments:
Post a Comment